3 красавіка 2026 года

У рамках праекта «Кожная пятніца – роднае сваё» у філіяле «Касцюшкавіцкая сельская бібліятэка» прайшла літаратурная гадзіна «Пісьменнікі роднага краю». Мерапрыемства было прысвечана таленавітым беларускім аўтарам – землякам, чыя творчасць была звязана з Крычаўшчынай. Навучэнцы пазнаёміліся з творамі выдатных пісьменнікаў такіх як Віктар Карамазаў, Аляксандр Балдоўскі, Міхаіл Сыч, Яўген Мазалькоў, Дзмітрый Бугаёў і іншыя. Пад час літаратурнай гадзіны гучалі вершы напоўненыя любоўю да роднай зямлі.  Мерапрыемства дазволіла вучням не толькі лепш зразумець сваю гісторыю і культуру, але і натхніцца на далейшае вывучэнне літаратурнай спадчыны роднага краю.